2. deildarliðið hjá monnum var í dag í Hoyvík, har FC Hoyvík tók ímóti.
FC Hoyvík legði seg á odda 1-0 eftir 5 minuttir, men okkara menn stríddist væl og skaptu fleiri møguleikar, tó uttan at skora.
Men í 30 min kom hol á. Pætur Augustinussen langskot og so var 1-1.
Løtu seinni gjørdi Fríði Holm tað til 2-1 eftir sera gott álop.
Hetta var eisini hálvleiksstøðan.
2 minuttir inn í seinna hálvleik gjørdi Hans Fríður Muller tað til 3-1, sum eisini var úrslitið av dystinum.
3 týdningarmikil stig og nøgdir menn koma suður í kvøld.