Nú summarfrítíðin hjá fótbóltinum nærkast, er hetta eisini tíðin, har leikarar flyta millum feløg og leikarar flyta heimaftur til Føroyar eftir at hava verið uttanlands í lestrarørindum.
Soleiðis er eisini hjá FC Suðuroy, sum um dagarnar boðar frá, at styrkt verður um leikarahópin.
Ungi áleyparin Ari Krosslá Poulsen, sum í fyrru helvt av kappingarárinum hevur spælt við 1. deild hjá HB, vendur í seinnu hálvu aftur til Vágs og fer at spæla við FC Suðuroy.
Reidar Dahl Joensen, sum hevur verið í Danmark í útbúgvingarørindum, vendur eisini heim til Vágs í summar. Reidar hevur í Danmark spælt við ÍF Føroyum, men hevur eisini hvørt summar spælt í Suðuroynni, og spældi í fjør eisini við Betraliðnum hjá Suðringum. Reidar hevur spælt bæði sum verjuleikari og í álopinum.