Í vikuskiftinum var B2-venjaraskeið í Vági, har Jón Pauli Olsen og Sigfríður Clementsen vóru instruktørar.
B2-venjaraskeiðið er framhald av B1-venjaraskeiðnum hjá FSF.
Skeiðið er bæði ástøðiligt og praktiskt og dentur verður lagdur á venjing við børnum og ungum. Skeiðið er á tilsamans 50 tímar, býtt yvir tvey vikuskifti.
Evni, sum vóru viðgjørd á skeiðinum, vóru m.a.:
- Teknisk venjing
- Likamlig venjing
- Leiðsla
- Læruhættir/metoda
- Málmansvenjing
Skeiðið var hildið í Fjarlestrardeplinum í Vági og praktiski parturin var sjálvandi í nýggju Marghøllini.
Luttakarirnir lótu sera væl at skeiðinum og er hetta eisini ein liður í miðvísu menningini av fótbóltinum í Suðuroynni..
Fyri FC Suðuroy luttóku Fríði Stenberg Olsen og Tom Villy Magnussen. Og harumframt var Bjarni Johansen sum málmansvenjara-instruktørur.